اكتب موقفك... وشوف مين مرّ بنفس الشي

"يا جماعة، حابّة أفضفضلكن بشغلة صار معي وخاصة إني لسا عروس جديدة ومخطوبة؛ بدي خبروني كيف تعاملتو مع السلفة (كنّة العيلة) لو مرقفتوا بهيك موقف؟ أنا مخطوبة جديد وعندي سلفة وحدة بس، أنا بعيش ببلد وهي ببلد تاني، بس مع هيك بتنكش بحياتي كتير وبضلها تسمعني حكي أشكال وألوان على طريقة لبسي ومكياجي ومقارنات ما لها أي داعي. وإذا ما حكيت معها بتعتب عليّ ليش ما بعتلي! يوم بلاقيها حاشرة رقمي، ويوم ماسحتو، وعلى هالحالة المتقلبة والمزعجة. وصارت معي مواقف كتيرة حسيت فيها بحيرة؛ لأني بصراحة ما رديت عليها أبداً وبقيت مطنشة كرمال أهل خطيبي لأنهم ناس طيبين كتير معي وما بدي أعمل مشاكل عشانهم. وفي شغلة تانية يمكن الها علاقة بالموضوع؛ هي كانت بدها خطيبي قبل ما يعرفني يخطب بنت أخوها، بس بيت حماي ما رضوا، وما بعرف إذا هاي القصة الها علاقة بتصرفاتها السمجة معي هلق. أما خطيبي فموقفه ممتاز وهو معي، وبيضل يقلي: "خلي عقلك أكبر من عقلها وطنشي ولا تحرقي دمك". شو بتنصحوني اعمل وكيف أتعامل مع هيك نوعية من البشر؟"

"موقف صار معي أنا ورفيقتي 🥺💔 أنا متجوزة من ١٥ يوم بس، ومبارح رجعت عبيت أهلي مطلّــ.ـقة. لا كملت سنة ولا حتى شهر، بس ١٥ يوم وكلشي خلص. أبي تعب سنة كاملة يشتغل عند الناس وبالأراضي عشان يجهزني ويفرح فيي. جوزي فرح فيي أسبوع كامل وبالآخر رماني. من أوّل يوم فتت بيتهم بلّشت المــ.ـشاكل، وصارت معي مواقف صعبة كتير. حكولي: ليش ما جايبة أغراض كثير وتجهيز؟ سكت ومشّيت. لا فرحت متل باقي البنات ولا حسّيت إني عروس. حماتي وبناتها كانوا يضحكوا ويستهز.ؤو فيني وبتجهيزي، وصارت معي قصص كتيرة بتوجع القلب من هالتصرفات. قلت مش مـ.ـشــكــلة يمكن يتغيروا. جوزي ابن امو، إمّا بنام برا أو يضل عند امو. يطلع ينام دغري. بياكل عندها ويتركني جوعانة. لما حكيتلو حماتي قالتلي: “إنتِ لسا داخلة مبارح وبدك تتحكمي بابننا؟” سكت. وبعدها وهو راجع من الشغل لقى أمي جاي تزورني. عمل مشكــ.ـلة، ورد أمو كان: “هو حر يعمل اللي بدو إياه.” وحماتي ســبــتـ.ـنــي وقالتلي: “متل ما جبناكي بنرجعك.” وكبّوا تيابي بالشارع، وهو طلّقــ.ـني. وأبي إجى بنص الليل يلم تيابي عن الأرض، وعيونو مليانة دموع. بس أكتر شي وجعــ.ـني إنو أبي كان يحاول يطمني وهو بجمع غراضي من الأرض. بحكيلي: “أبوكِي لسا عايش، لا تخافي.” وأنا من جوا رح طق. سامحوني عالطاقة السلبية. ادعولي الله يطفي النــ...ـار اللي بقلبي، 💔💔🥺"

"السلام عليكم، بدي أحكي قصتي وبدي نصيحة، لأني بحاجة كتير أفضفض وحدا ينصحني. أنا مخطوبة إلي سنتين وشهرين، على أساس سافر بس بعد التحرير اتكركب الوضع وما قدر يطالعني، وهوي بدو ينزل بس عم يعمر بيت، ليخلص إن شاء الله بينزل. خطيبي بيشتغل يومياً ومو مقصر أبداً، عم يشتغل بالبيت وببعتلي مصروف وشو ما بطلب منو. بس باخر فترة صاير مهمل جداً، مكتئب وما إلو أخلاق لشي، متغير عليّ يعني كتير. وصارت معي أكتر من مرة إني إذا بحاكيه بحاكيني، وإذا ما بحاكيه بيبعت يطمن عني وبس، يعني برود كتير. اتزاعلنا أكتر من مرة وصرت أطلب الاهتمام منو طلب بس ما تغير شي أبداً. لحد اليوم أنا حسيت إنو خلص ما عاد قادرة أتحمل، صبرت إلي فترة، لازم نهون الانتظار على بعض مو نصعب على بعضنا. أنا مقدرة تعبو ومقدرة عم يشتغل وعندو التزام، بس أنا كمان قاعدة وناطرة، سنين عم تروح من عمري، النا سنتين ولسه يمكن بسنة ما نخلص، ما منقدر نكمل هيك. عاتبتو وحاكيتو بس ما تغير شي، ع طول يقلي بحبني ولازم تصبر عليه، بس أنا حاسة طاقتي خلصت، وبحس كل ما تحملت أكتر هوي بزيد أكتر بدل ما يقدر صبري. شو أعمل انصحوني؟ أنا حابة حافظ على علاقتنا بس بدون كل هالتعب. شو أعمل مين مر بمثل حالتي؟ وصارت معي مواقف حسيت فيها حالي ضايعة كتير. شو أتضرف؟ أنا هيك عم أضغط عليه؟ أتركو؟ أنا محتارة كتير. أسفة طولت بالحكي بس بحاجة أفضفض."

"من صبية قصتي إنو جاييني خطابة وأهلي موافقين والشب كتير كويس وحلو ودارس ومن عائلة محترمة جداً، وأنا بحب واحد وهو بحبني ووعدني يطلبني سنة الجاي لأن ما بيقدر هلق لا وضعه المادي مابيسمحلو ولا ظروفه. وخايفة إذا وافقت يعملي مشاكل لأن جنّ عالاخر وصار يحكي كلام كبير؛ حلفلي إنه إذا بتوافقي رح يعمل المستحيل لحتى يخرب الموضوع، وقلي "قسم بالله رح أعمل مشاكل تفشل العبرة كلها، وأخلي أهلي وكل المنطقة تحكي عنا، وما رح أخليهم يهتنوا بهالخطبة أبداً، وبتعرفيني بساويها!"، وأنا ما عم أعرف شو أتضرف. أهلي موافقين وعم يقنعوني وما عندي حجة قلن لأ، لأن الجماعة معروفين بكل المنطقة ونحنا ما عنا شي اسمه حب وأهلي كتير بيتشددوا بهالقصص، وأنا ضايعة... أمانة قلولي شو أعمل خايفة. بدون تجريح لو سمحتوا 💔"

"من صبية قصتي إنو جاييني خطابة وأهلي موافقين والشب كتير كويس وحلو ودارس ومن عائلة محترمة جداً، وأنا بحب واحد وهو بحبني ووعدني يطلبني سنة الجاي لأن ما بيقدر هلق لا وضعه المادي مابيسمحلو ولا ظروفه. وخايفة إذا وافقت يعملي مشاكل لأن جنّ عالاخر وصار يحكي كلام كبير؛ حلفلي إنه إذا بتوافقي رح يعمل المستحيل لحتى يخرب الموضوع، وقلي "قسم بالله رح أعمل مشاكل تفشل العبرة كلها، وأخلي أهلي وكل المنطقة تحكي عنا، وما رح أخليهم يهتنوا بهالخطبة أبداً، وبتعرفيني بساويها!"، وأنا ما عم أعرف شو أتضرف. أهلي موافقين وعم يقنعوني وما عندي حجة قلن لأ، لأن الجماعة معروفين بكل المنطقة ونحنا ما عنا شي اسمه حب وأهلي كتير بيتشددوا بهالقصص، وأنا ضايعة... أمانة قلولي شو أعمل خايفة. بدون تجريح لو سمحتوا 💔"

"إخوتي الأفاضل، نزلت منذ فترة إلى الشام وخطبت، ولا أقول "عقبال الجميع" لأن الأمر ليس بالبساطة التي تتوقعونها 🫠. أود استشارتكم في قصة المصروف الشخصي.. خطيبتي طلبت مني مصروفاً شهرياً، فقلت لها: "على الرحب والسعة"، وطلبت منها أن تنظر في احتياجاتها الشهرية وتبلغني بها. فقالت لي إنها تحتاج إلى خمسة ملايين شهرياً. بصراحة، أنا لا أحب التدقيق في الأموال، لا سيما أننا في فترة الخطوبة الجديدة، لكني قلت لها "تكرمي". وما لم أكن أعرفه حقاً هو أن هذه الخمسة ملايين تعادل خمسمائة دولار 🤣، وبصراحة هذا المبلغ فوق طاقتي الاستيعابية، فراتبي ألفان ومائتا دولار، وعندي التزامات ومصاريف كثيرة، والله إنني لا أرسل لأهلي مثل هذا المبلغ! فمن مرّ بمثل حالتي، كم هو المصروف المعتاد الذي تحددونه عادة؟ وهل مبلغ الخمسمائة دولار شهرياً ليس كبيراً نسبياً؟ أم إنه طبيعي وأنا المبالغ في شعوري بكبره؟"

"يا جماعة، أنا شخص كنت مرتبط بصبية من حوالي تلات سنين، وفي الآخر محصلش نصيب وكل واحد راح لحال سبيله. أنا خطبت وسبت، وهي كمان انخطبت وسبت. بس فيه حاجة مش مفهومة بحصلت… كل ما أجي على بالها وتفتكرني، أكون أنا ببعتلها رسالة! ومش مرة ولا مرتين… ده كتير أوي بيحصل كده، والعكس كمان: كل ما تخطر على بالي وأتفتكرها فجأة، ألاقي رسالة منها! وحصلت كتير جداً. والموضوع مش رسائل وبس… ده حتى في الأماكن! كل ما أكون في مكان وأقول لنفسي أنا هشوفها، بجد بشوفها… وهي نفس الحكاية. ده مع العلم هي عايشة في مدينة وأنا في مدينة تانية. مرة حتى كنت في العمرة وقلت أنا هشوفها هناك… وبالفعل شفتها! وحتى في الأحلام! شفتها في المنام، ولما تكلمنا طلع هي كمان شايفتني في نفس التوقيت! والغريب كمان إننا إحنا الاتنين لما خطبنا بعد ما سبنا بعض، ما قدرناش نكمل مع أي حد تاني… كل واحد منا فسخ خطوبته لأنه مكنش قادر يتقبل الشخص التاني في حياته بعد العلاقة اللي كانت بينا، حتى أسباب فسخ الخطوبة هي هي! وفي حاجة تانية كمان، إننا إحنا الاتنين من نفس الجيل، وحتى بنفس سنة الميلاد، وبنفس الشهر واليوم، وقريب كمان من نفس الساعة. والله يا جماعة الموضوع بيتكرر بشكل مش طبيعي، كتير أوي ومش شوية خالص، وحاسس إن الموضوع ده مش صدفة. وبصراحة أنا حاسس إن البنت دي هي قدري. وأنا شخص بؤمن إن مفيش حاجة في الدنيا دي بتيجي صدفة، كل حاجة مكتوبة من رب العالمين. أنا عايز تفسير للي بيحصل ده… حد حصل معاه كده قبل كده؟"

"يا جماعة، أنا شخص كنت مرتبط بصبية من حوالي تلات سنين، وفي الآخر محصلش نصيب وكل واحد راح لحال سبيله. أنا خطبت وسبت، وهي كمان انخطبت وسبت. بس فيه حاجة مش مفهومة بحصلت… كل ما أجي على بالها وتفتكرني، أكون أنا ببعتلها رسالة! ومش مرة ولا مرتين… ده كتير أوي بيحصل كده، والعكس كمان: كل ما تخطر على بالي وأتفتكرها فجأة، ألاقي رسالة منها! وحصلت كتير جداً. والموضوع مش رسائل وبس… ده حتى في الأماكن! كل ما أكون في مكان وأقول لنفسي أنا هشوفها، بجد بشوفها… وهي نفس الحكاية. ده مع العلم هي عايشة في مدينة وأنا في مدينة تانية. مرة حتى كنت في العمرة وقلت أنا هشوفها هناك… وبالفعل شفتها! وحتى في الأحلام! شفتها في المنام، ولما تكلمنا طلع هي كمان شايفتني في نفس التوقيت! والغريب كمان إننا إحنا الاتنين لما خطبنا بعد ما سبنا بعض، ما قدرناش نكمل مع أي حد تاني… كل واحد منا فسخ خطوبته لأنه مكنش قادر يتقبل الشخص التاني في حياته بعد العلاقة اللي كانت بينا، حتى أسباب فسخ الخطوبة هي هي! وفي حاجة تانية كمان، إننا إحنا الاتنين من نفس الجيل، وحتى بنفس سنة الميلاد، وبنفس الشهر واليوم، وقريب كمان من نفس الساعة. والله يا جماعة الموضوع بيتكرر بشكل مش طبيعي، كتير أوي ومش شوية خالص، وحاسس إن الموضوع ده مش صدفة. وبصراحة أنا حاسس إن البنت دي هي قدري. وأنا شخص بؤمن إن مفيش حاجة في الدنيا دي بتيجي صدفة، كل حاجة مكتوبة من رب العالمين. أنا عايز تفسير للي بيحصل ده… حد حصل معاه كده قبل كده؟"

"الي القصة الي صارت معي اليوم ،الصراحة مش لاقي الها تصنيف بالموقع ،بس قصة مستفزة . انهيت عملت ورحت على مركز الاتصالات لمشكلة في خط الهاتف ،انتظرت لحد ما اجاني الدور وللاسف،كان مع موظفة ،وهذا الشي انا مابحبه لاني مابعرف اتعامل مع النسوان خصوصا الموظفات، المهم بتقلي تفضل شو المشكلة ، حكيتلها مشكلة في دفع الفاتور للهاتف ، طلبت الرقم وسوء فهم بدل رقم الارضي ، اعطيتها رقم الجوال. وهو تحولت من موظفة لمخلوق ثاني ، عصبت في وجهي وتغيرت ملامحها ، وكاني خبرتها انو اخر يوم عمل الها . طلبت الهوية بعصبية ، وبعدين بقلها جاي احدث المعلومات ، وهي ترد وتقلي كيف بتقلي انك حدثتها ....بقلها انا جاي احدثها ما حدثتها .صار تتعامل معاي كاني امي وجاهل. وهي المتعلمة المتعالية ..كنت ناوي اقلب الطاولة على راسها بس تمالك حالي واستغفرت الله ..بعدين نويت اكبر القصة واشكي عليها للمدير ..بس قلت خلص طالما مشيت المصلحة مافي داعي لو كان تعاملها لطيف كنت بحكي بقصة تعامل شخص لطيف وانسان في هذي القصة .بس هالموقف بعلمك انه الشي العابر ، مشيه بكل الطرق الي تتجنب فيها العواقب الي ممكن تكون اكبر من الموقف نفسه. يمكن بعد ماكتبت الي صار معي ارتحت اكثر هههه. وسلامتكم"

"السلام عليكم ورحمه الله الى صار معي هو موقف لايمكن انساه طول حياتي بالامس توفى صديقي رحمه الله عليه .ورغم فارق السن بيننا الى انه كانت تجمعنا صداقة حقيقية غير مبنية على اي مصلحة ،تعرفت عليه من سنوات وكنت اتنقل معه في السيارة لعملي ، كان يوصلني من محافظة لمحافظة ،لم يقل لي لو مرة اريد أجرة رغم ان علاقتي كانت به اننا ابناء البلد فقط اما فيما بعد اصبحت اهدي من ما تخرج الارض من خيرات الله ومرت سنين على ذلك . بعد ان تغيير مكان عمله اصبحنا نلتقي بالصدفة ..في الجامع او الشارع او المناسبات ولكن ظلت العلاقة طيبة بيننا . من ثلاث شهور توفى والدي رحمة الله عليه ..ولكني استفقدت صديقي فقد توقعت ان اراه بين المعزيين ..لكن لم اراه . في اليوم الثاني للعزاء اتصل بي ولكن مع اصوات الناس لم اسمع الاتصال.. ورايته متاخر ثم قلت في نفسي غدا سياتي او يعاود الاتصال ولم ابادر بالاتصال به. مر شهرين ونصف تقريبا ولم اتصل به او يتصل ولكن سمعت بالصدفة انه مريض وبحالة حرجة لمرض اصابه في الرأتين، فقل يجب ان ازوره ..مر اسبوع ولم اذهب فقلت في نفسي هذا الكلام غير صحيح ويجب ان ازوره .وتذكرت انه لم ياتي بسبب المرض ،اذن كان مريض ولم ياتي الا انه لم يتاخر في الاتصال . مر اليومين وانا اقول ساذهب ..حتى جاء الخبر ..صديقك توفى 😔 يالله كيف نزل الخبر على قلبي كالصاعقة...توفى ولم ازره ولم حتى ارد على اتصاله ..كم انا اناني ..والله ان الذنب يعصرني والالم لايفارقني . مات صديقي دون ان اودعه او حتى اكن بجانبه في اخر ايامه..سامحني يارب عن التقصر ..سامحني ياصديقي والله اني قصرت بحقك رحمة الله عليك واسكنك الله الفردوس الاعلى من الجنة وغسلك بالماء والثلج والبرد ونقاك ان شاء الله من الذنوب والخطايا كما ينقى الثوب الأبيض من الدنس اللهم امين. لا تؤجلوا رؤية الاحبة فقد لا تروهم ثانية 😐"

"الصراحة الموقف الي صار في يوم من الايام كنت ماشي في الحارة ، كان اعزكم الله كلب محاصر قطة صغيرة ، فقلت لازم انقذها اقتربت من الكلب وباللحظة الي شفتها مناسبة ضربت على تنكة حديد حجر ، اطلعت صوت وفعلا خاف الكلب وهرب بس للاسف كمان خافت القطة وهربت لجهه الشارع ولسوء الحظ ، بلحظة مرور سيارة ، دعستها 😔 يمكن لو خليتها للكلب كان قدرت تحرر نفسها ..بس هذا الي صار"

"السلام عليكم ناتي الان للقصة الحقيقية الثانية ،والتي واجهتني كمسعف كانت الحادثة في صيف ٢٠٢٢ والله اعلم ..اتصال من مجهول بوجود روائح كريهه تنبعث من داخل منزل على الفور تحرك الطاقم للمكان لنجد بيت قديم وخلفه متجمع عدد كبير من الناس ولا احد يقترب من المكان لانبعاث الروائح الكريهة اقتربنا انا والطاقم المرافق وطلبنا احد من اهل البيت ان ياتي لانخذ اذن كسر الباب فلم يحضر احد ، فقمنا بكسر الباب بحضور الشرطة وكانت الكارثة شخص على فراشه وقد مضى على وفاته اكثر من اسبوع ...يا لطيف يالله كما اخبرتكم ، قمنا بعمل اللازم بوجود جهات الاختصاص ، وطلبنا حضور أقربائه لنعلم انه كان وحيدا غير متزوج ،وكان الجيران احياننا يتفقدونه بما تيسر ،اما اخوته فلم يكن احد منهم يصله او يعلم اخباره ...تلك قصة حقيقية مت مجموعة قصص سارويها بالتتابع ان شاء الله ونسال الله السلامة والعافية وحسن الخاتمة"

"عندما رايت جنازة ابي عرفت عدد محبيه وعندما سمعت الناس تذكره بالخير ،حتى دون وجودي ادرك كم كان ابي لطيفا مع الناس وعندما بكى عليه الغريب ...قلت لماذا يا ابي!؟ وعندما فقده اصدقاء في الجامع وبكوا ..ابكوني معهم يا ابي وعندما سالني شخص هل انت ابن فولان واجبت نعم ثم قال رحم الله اباك ، كم كان بشوشا وخلوق ادرك انك رفعت رؤسنا حتى بموتك رحمة الله عليك يا حبيبي يا ابي واموات المسلمين"

"السلام عليكم ،عندي موقفين حقيقيين حصلن امام عيني انقلها لكم للعبرة ،ونسال الله العافية وحسن الخاتمة الموقف والقصة الاولى اثناء عملي كمسعف جاءنا بلاغ بوجود باب كراج او مرئب مغلق مع وجود روائح احتراق بنزين ودخان تتصاعد من اسفل الباب ، كان ذلك في موسم الشتاء وتحديدا في الصباح وقد كان الجو بارد في الخارج تحرك الطاقم للمكان ، قمنا بفتح قفل الكراج لنجد بداخله سيارة مغلقة تمام ، ومحركها يعمل ..نظرنا داخلها لم نستطع الرؤية لوجود تعتيم على الزجاج ، وهنا كان يجب ان نستاذن صاحب السيارة بكسر الزجاج ، سالنا عنه على امل هو من بلغ ..لكن لم يكن هو بل جاره من بلغ .ارسلوا احدا لبيته ولكنه غير موجود ، كان الحل الاخير الاتصال عليه وهنا المفاجأة... صوت الهاتف داخل السيارة ،،اذا هو داخلها ، قام احد الاشخاص من زملائي بكسر الزجاج الخلفي ورفع قفل الباب الامامي وعند فتح الباب كانت الصدمة القاتلة امراة ورجل في وضع مخل داخلها ، وازرقاق اجسادهم تدل على نقص الاكسجين تم اغلاق الباب على الفور ،وابعاد الناس عن المكان لحرمة المشهد وستر الوضع قبل ان يكشف ما بالداخل ، تم سترهما بقماش والاتصال بالشرطة والطب الشرعي واغلاق المكان لاستكمال الإجراءات ولكن ماذا كانت الصدمة الاكبر من كل هاذا !!!! عرفنا لاحقنا ان المرأة التي كانت مع الرجل هي زوجت اخوه ...يارب لطفك من اصعب ما سمعت ورايت ..لم انقل هذه القصة الحقيقية الا لتكن عبرة لنا ولنتذكر اننا سنبعث على ما متنا عليه فاللهم حسن الخاتمة الموقف الثاني سيكون بمنشور منفصل ان شاء الله."

"مرة كنت عند صديق الي صاحب مشتل زراعي ،وكان يحاول يركب قطعة على ماتور زراعي وعند رجل كبير بالسن ،بيكون صاحب هذه القطعة , المهم كانوا حيرانين بطريقة التركيب ، اجيت انا ابو العريف وما بعرف من وين جبت الثقة ،وقفت معهم وقلت بصوت رزين ، شغلكم كله غلط والتركيب مش هيك ، اطلعوا عليا الاثنين وكاني اجيتهم من السماء ، وصاحبي انبسط قلي بتعرف كيف بتتركب ،رديت بلا تفكير طبعا ، قلت اتفضل النا ساعة بنحاول انقذنا افسحولي المجال ، فككت شغلهم واعدت تركيبه بطريقتي السحرية يلي واثق منها وقلتلهم يلا اشتبكوا الكهربا في الماتور للتجربة العملية ووقفت وقفت الخبير الشامخ حطوا الكهربا وكان المفروض الماتور يسحب مي من حنفية ويصخها في برميل ..صار يسحب من البرميل ويودي على الحنفية 🤣😂😅 عكست العملية كلها هههههه..طبعا ما استنيت ردت الفعل ،بس اخر شي شفته قبل ما اهرب نظرت الختيار يلي نزلت بنطالي من قوته 😂😂"

"السلام عليكم ، هذه القصة الحقيقية حصلت في المنطقة التي اعيش فيها ، من وقت قريب يوجد شاب من البلدة بعمر الاربعين تقريبا ، ومتزوج من نساء اثنتين ،ومعروف بالمنطقة بمهارته بالنصب على الناس ، ومعروف انه يتاجر بالسيارات خصوصا . المهم في القصة ان الناس كانت تسمع انه يضرب امه باستمرار ، ولكن ماحصل امام الناس جعلهم في ذهول ....حيث في احدى الايام لم يكتف بضربها بالمنزل ولكن على مرأة الناس ،امام منزله قام باهانتها ودفعها من منحدر صخري فقام وقالت (ان شاء الله بتقع من مكان اعلى وبتتكسر تكسير ) سبحان الله وكان دعوتها كانت مستجابة ،وباب السماء مفتوح ، فلم يمض على الحادثة سوى اشهر ، يقع عن الطابق الثاني او الثالث لا اعلم بالتحديد وتنكسر قدماه الاثنتين ويمكث في المستشفى قرابة الشهرين ، وبعد ان تعافى مازالت اثار الوقعة ظاهرة فهو مازال يستعمل العصي اثناء المشي ، ولكن المفاجأة الكبرى والغير متوقعة كانت.... عاد لسب امه ، بل ويسب الذات الإلهية، لا اعلم ماذا يحب ان يحصل له حتى يعتبر ...نسال الله العفو والعافية لنا ولكم ...من لديه قصة وعبرة لايبخل في طرحها ودمتم"

"اطرف موقق صار من بنتي , من يومين كانت طالبة مني غرض معين وفعلا سعره كان غالي واتحججت انو ما معي فولس اشتريه بس وعدتها اشتري قبل نهاية السنة وما استنيت رح اشتريته فلما ناديت عليها واعطيتها اياه من الفرحة صارت تحاول تحملني وتنط طن زي الصغار ههه الله لا يحرمني منهم يارب"

"اطرف موقف شفته صار مع زوجتي كنت مسافة في عمل للخارج لمدة 35 يوم , ولم رجعت من السفر ما كانت تعرف الموعد بالضبط كنت حاكيلها يومين بكون مروح , المهم روحت وقلت اعمللها مفاجاة هههه اول ما شافتني كان ابني الصغير بجانبها , من الصدمة حملته ورجعت رمته على السرير وهربت على الغرفة وبعد رجعت عند ي هههههه طبعا كل هذا صار في اقل من دقيقة ولما صحت من الصدمة بقلها شو الي صار معك قالت ما بعرف من الصدمة ما عرفت شو اعمل وصرت اتصرف بلا وعي"

"من شي فترة كنت نازل عالسوق أشتري شغلتين للبيت، وأنا مستعجل وراسي ألف قصة وقصة. وأنا ماشي شفت شب واقف جنب محل وعم يطلع فيني ويضحك. قلت بيني وبين حالي: «شو قصته هاد؟ ليش عم يطلع علي؟» كملت طريقي، وبعد كم دقيقة دخلت محل لأشتري أغراضي. صاحب المحل أول ما شافني ضحك وقال: «يا زلمة إنت ما حاسس بشي؟» قلتله: «شو يعني؟» طلع بالمراية اللي وراي، وأشار على ظهري... طلعت لاصقة على تيابي ورقة صغيرة مكتوب عليها سعر غرض من المحل، وما بعرف كيف علقت فيني من وقت ما دخلت. طلعت من المحل وأنا ميت من الإحراج، والشب اللي كان عم يضحك من شوي لسا واقف بمكانه. قلي: «والله من أول الطريق وأنا بدي خبرك، بس كل ما حاولت قرب عليك كنت تسرّع!» 😂 والله ضحكت غصب عني، وقلتله: «يعني ما لقيت غير هالطريقة تخليني أعمل إعلان مجاني للمحل؟» ومن يومها قبل ما أطلع من أي محل، بصير أتأكد من تيابي عشر مرات. 😂"

"القصة الي صارت معي ايام ما كنت اشتغل مع مندوب مبيعات لقطع السيارات, في احدى دول الشرط الاوسط , كنت انا لسة طالب جامعي , وفي عطلة الجامعة كونه كان معي رخصة متوسطة اجا وطلب مني اشتغل معاه وبالرغم من انو راتبه كان قليلا جدا بس طالب الجامعة بده مصروف فقبلت بدون تردد , كان شغلنا يبدا من الساعة 8 اول شي يطلب مني اعمله قهوة وهذي كانت اثقل طلب على قلبي بس بنرجع نقول مجبرر وبعدها نطلع بالسيارة على المستودع لتحميل القطع والكماليات عشان نسوقها في المدن والقرى المجاورة , طبعا دائما اثناء التحميل اصواته مع اولاده كل الشارع يسمعها , صراخ ورفض ونكدة وكل يوم على هذي الحالة وانا اقول والله هالزلمة مسكين كيف اولاده بيعاملوه مع انه بيكون بالبداية يحكي معهم بصوت هادي وكلام عادي . في يوم من الايام وبعد الطوشة الاعتيادة حملنا القطع ومشينا فقلت بدون مقدمات ليش ياعم ابو (ح) اولادك بيرفعوا اصواتهم عليك بهذا الشكل ويوميا سكت قليلا وهز راسه وقال رح اعترفلك بالسر الحقيقي قلتله تفضل وانشديت له باذان صاغية .... قلي اكنت انت بتتسال في نفسك ليش بيرفعوا اصواتهم وانا متقبل وما برفع صوتي ...جاوبت بالضبط هذا الي محيرني ... قلي يا ابني ما تتحير ولا على بالك , انا هيك كنت مع ابوي كل شي يطلبه مني كنت ارفع صوتي عليه واعمل مثل ما يعملوا وكل ما يرفعوا اصواتهم واكون بدي ارد عليهم اتذكر كيف كنت انا مع ابوي الله يرحمه ... للامانة مر على هذه القصة اكثر من 15 عام ومع انو الي اشتغلته معاه ما بيزيد عن 8 شهور بس لليوم اتذكر هالموقف وهالاعتراف الصريح من صاحب العمل والي ترك اثر قوي في داخلي وخلاني مطيع لوالدي رحمه الله عليه واسكنه الفردوس الاعلى فعلا في الاهل اخص شو بتعمل بتلاقي"

"كنت اشتغل مزارع في بستان مدير مدرسة وبيوم اجا عليا كانت الدنيا برد شوي وكنت لابس لبس ثقيل ، فسألني شو شكل الشتاء اجا عندك بدري ، جاوبته جاواب لا انا فهمته ولا هو فهمه ولا لليوم عارف سو رديت عليه قل الي متذكرة اني قلت شيفرا ات اب اب او اي اه 🤣🤣🤣 صدقا مابعرف ليش اتلعثمت واطلعت جملة غير مفهومة ، بس الي متذكره بعدها انو سكت واطلع فيا ونزل على شغله وانا لليوم كل ما اتذكر هالموقف المضحك المحرج بفرط ضحك😅😅"

"كان موقف في لحظتها غضب بس بعد ماروحت صار موقف مضحك حقيقة القصة الي صارت معي اني بيوم من الايام كنت مروح من الشغل ، وكان الجو حار جداا، بعد ما مشيت وقطعت مسافة السيارة توقفت عن الحركة فجاة ، حاولت اشغلها اكثر من مرة ولكن على الفاضية .قلت افتح صندوق الماتور اشوف شو القصة ، المهم الصندوق الو كبسة عند الشوفير كبستها ونزلت احاول افتح الصندوق على الفاضي ،ارجع للكبسة اكبسها، اروح للصندوق مايفتح 😵‍💫😫 فقد صوابي من كثر المحاولات ...بس بلحظة اتذكرت شغلة 🫢انو الصندوق الخلفي برضو الو كبسة ومع انها جنب كرسي السائق الا اني مع الطفر والحر لخبطت فيهم 🥹 واتذكرت متاخر اني كاين افتح الصندوق الخلفي 😅 هالقصة الي صارت معي كانت لحظتها عصيبة بس بعد ماروحت وكانت مشكلة السيارة بسيطة صرت في كل جلسة اضحك الناس عليا 🤣🤣"

"اغرب موقف كان روحت من الشغل ، وكنت منهك وتعبان وضليت نايم لبعد العصر وكنت احلم انو الدنيا الصبح ومتاخر على دوامي ، صحيت فجاة مفزوع ، ودخلت غسلت وجهي وقلت لزوجتي يلا اتاخر ..ردت باستهحان وين بدك وعلى شو اتاخرت ..قلتلها على الشغل 🫢 ضحكت بجنون بقالها بعصبية سو مالك ..قالتلي اطلع من الشباك برى ...الدنيا بعد العصر ههههه فعلا كنت ناوي البس واطلع واتوقع الي صار من النوم لوقت متاخر للعصر يعني ما انصح انسان ينام ويضل للعصر لانو حقيقة بتخربط دماغه"

"قصصي كلها اعترافات اني كنت اعمل هيك بزوجتي عشان اغيظها 😅 مرة كنا لسة بالخطوبة وخليتي اختي تتصل عليا برقم مجهول على انها صبية تشتغل معي هههه جننتها وبعد الزواج كنت اعمل مقالب كثير كل مقلب كان كفيل انها تتركني ..بس بعترفلكم اني كنت وقتها لسة جاهل يعني اتزوجت بعمر ١٦ عام شو تتوقعون يكون نضوجي وتفكيري ؟ بس طبعا وعيت وصار عندي عيال وربينا وكبرنا وبعد سنوات عديدة كنت اعترفلها ببعض القصص والمقالب الي كنت اعملها فيها ويمكن اخر جلسة اعتراف كان بعد ١٧ عام زواج 🥲😐🤣"

"في ليلة من الليالي جارنا ابوصبحي ضيع محفظته جوا البيت وتحديدا في غرفة الصالون قام يدور عليها في الشارع تحت عمود الكهربا شافه جارنا الثاني ابو حسن وساله شو بتعمل حكاله انو مضيع محفظته وبدور عليها تطوع ابوحسن وصار يدور معاه باهتمام وبعد تعب ساعة من البحث عن المحفظة ساله جاره انت متاكد انك مضيعها هون في الشارع حكاله ابو صبحي بكل ثقة طبعا لا ضيعتها جوه في الصالون صرخ فيه ابوحسن وحكاله اذا وقعت جوه في الصالون ليش بدور هون تحت العمود رد عليه ابو صبحي بكل هدوء وحكاله يااخي جوا البيت عتمة والله ماني شايف اشي بس هون ضو الشارع كاشف ومنور"

"هذا الموقف ذكرني بموقف صار معي زمان. في يوم من الايام كان اخوي بده يشتري سيارة فطلب مني ومن اخوتي انو نرافقه نشوفها ونعطي راينا فيها . طبعا مشينا معاه والموقف الطريف الاول انه كانت السيارة اقدم عمرا من جدي والمضحك اكثر كانت عبارة عن ملهى ليلي وقاعة افراح للقطط😅. نرجع لقصتنا ، بعد تفحصها وعدم تشجيعنا الو يشتريها ..فجاة قلنا اتخبووا اتخبواا قلناله خير شو في ..قال هذا الشخص انا بشتغل معاه وما بدي يشوفني هون ..طبعا اتخبينا علما انو لو مرينا جنبه ما بيعرفنا اساسا بس الصدمة😶انو هو يلي نادى عليها ههههه وراح سلم عليه ونادانا نشوفه ..طيب ليش عمل هيك ..الله اعلم ،😑🫡"

"مرة أمي كانت بتحكيلي: «لا تفتحي موضوع قدام الضيوف، عيب»… قعدنا مع الضيوف، وبعد خمس دقايق هي نفسها فتحت الموضوع وحكت كل التفاصيل، حتى الأشياء اللي أنا ما كنت بعرفها عن حالي 😂😭 وأنا قاعدة جنبها بطلع عليها وبفكر: مين اللي كان لازم يسكت هسا؟ �"

"أنا بحكي قصصي اللي ما بتنحكى بموقع مجهول… يعني بفضفض، بحكي وبشكي ، وبطلع وأنا مطمّنة إنه محدا عارفني إلا صاحب الموقع، عارفني وعارف كل قصصي، وما شبعت حكي على الواقع رحتله عَالمواقع 🤣"

"مسمي حالي «مفرفح»… مع إنه لو الفرح مرّ من جنبي، بغيّر الطريق. 😂💔"

"تتسرب السنوات من بين أيدينا دون أن نشعر؛ كنت في الثامنة عشرة حين بدأت رحلتي معك، صبية تُقبل على الحياة بشغف، واليوم أنا أمٌّ لطفلتين أحمل في قلبي ثقل جبالٍ من الصبر والانتظار. في مثل هذه الليلة، قبل أربع سنوات، كان لقاؤنا الأول... لم أكن أعلم حينها أن هدوء تلك الليلة وسعادتها سيتحولان يوماً إلى حنينٍ موجع وصمودٍ بوجه الأيام. خمسة أشهر كاملة مرت على غيابك خلف القضبان، 155 يوماً من الظلم، والكيد، والحسد الذي حاول أن يطفئ نور بيتنا. لكنهم يجهلون أن العدل لا يسقط بالافتراء، وأن من اعتمد على الله لا يضيع. كيف تكون النهاية؟ نهايتها جَبْرٌ عظِيم نستحقه بعد كل قطرة دمع، وكل لحظة خوف، وكل ليلة ضممتُ فيها طفلتين تسألان عنك بالصمت والعيون. إن وعد الله حق، وهو القائل: {وَبَشِّرِ الصَّابِرِينَ}؛ سيمرّ هذا المُر، وسيُفرَج الهم، وسيردّك الله إلينا رداً جميلاً، لنكتب بداية جديدة تحت سقف واحد، أشدّ قوة وأعظم أثراً."