اعترافات ومواقف إحراج حقيقية

"الي القصة الي صارت معي اليوم ،الصراحة مش لاقي الها تصنيف بالموقع ،بس قصة مستفزة . انهيت عملت ورحت على مركز الاتصالات لمشكلة في خط الهاتف ،انتظرت لحد ما اجاني الدور وللاسف،كان مع موظفة ،وهذا الشي انا مابحبه لاني مابعرف اتعامل مع النسوان خصوصا الموظفات، المهم بتقلي تفضل شو المشكلة ، حكيتلها مشكلة في دفع الفاتور للهاتف ، طلبت الرقم وسوء فهم بدل رقم الارضي ، اعطيتها رقم الجوال. وهو تحولت من موظفة لمخلوق ثاني ، عصبت في وجهي وتغيرت ملامحها ، وكاني خبرتها انو اخر يوم عمل الها . طلبت الهوية بعصبية ، وبعدين بقلها جاي احدث المعلومات ، وهي ترد وتقلي كيف بتقلي انك حدثتها ....بقلها انا جاي احدثها ما حدثتها .صار تتعامل معاي كاني امي وجاهل. وهي المتعلمة المتعالية ..كنت ناوي اقلب الطاولة على راسها بس تمالك حالي واستغفرت الله ..بعدين نويت اكبر القصة واشكي عليها للمدير ..بس قلت خلص طالما مشيت المصلحة مافي داعي لو كان تعاملها لطيف كنت بحكي بقصة تعامل شخص لطيف وانسان في هذي القصة .بس هالموقف بعلمك انه الشي العابر ، مشيه بكل الطرق الي تتجنب فيها العواقب الي ممكن تكون اكبر من الموقف نفسه. يمكن بعد ماكتبت الي صار معي ارتحت اكثر هههه. وسلامتكم"

"من شي فترة كنت نازل عالسوق أشتري شغلتين للبيت، وأنا مستعجل وراسي ألف قصة وقصة. وأنا ماشي شفت شب واقف جنب محل وعم يطلع فيني ويضحك. قلت بيني وبين حالي: «شو قصته هاد؟ ليش عم يطلع علي؟» كملت طريقي، وبعد كم دقيقة دخلت محل لأشتري أغراضي. صاحب المحل أول ما شافني ضحك وقال: «يا زلمة إنت ما حاسس بشي؟» قلتله: «شو يعني؟» طلع بالمراية اللي وراي، وأشار على ظهري... طلعت لاصقة على تيابي ورقة صغيرة مكتوب عليها سعر غرض من المحل، وما بعرف كيف علقت فيني من وقت ما دخلت. طلعت من المحل وأنا ميت من الإحراج، والشب اللي كان عم يضحك من شوي لسا واقف بمكانه. قلي: «والله من أول الطريق وأنا بدي خبرك، بس كل ما حاولت قرب عليك كنت تسرّع!» 😂 والله ضحكت غصب عني، وقلتله: «يعني ما لقيت غير هالطريقة تخليني أعمل إعلان مجاني للمحل؟» ومن يومها قبل ما أطلع من أي محل، بصير أتأكد من تيابي عشر مرات. 😂"

"كنت اشتغل مزارع في بستان مدير مدرسة وبيوم اجا عليا كانت الدنيا برد شوي وكنت لابس لبس ثقيل ، فسألني شو شكل الشتاء اجا عندك بدري ، جاوبته جاواب لا انا فهمته ولا هو فهمه ولا لليوم عارف سو رديت عليه قل الي متذكرة اني قلت شيفرا ات اب اب او اي اه 🤣🤣🤣 صدقا مابعرف ليش اتلعثمت واطلعت جملة غير مفهومة ، بس الي متذكره بعدها انو سكت واطلع فيا ونزل على شغله وانا لليوم كل ما اتذكر هالموقف المضحك المحرج بفرط ضحك😅😅"

"الصراحة مريت بموقف محرج مقارب نوعا ما ،بس كان في مكان ملابس اطفال ،كنا وقتها نشتري باواعي العيد للاولاد ، وكنت انا وزوجي نختار القطع مع بعض ، انتقلت شوي للستاد المقابل المعروض عليه تي شيرت ، وبسال زوجي عن قطعة معينة ، وانا بتفحص فيها، بس مارد ولانو قريب مني مديت ايدي ، ونكزته بجنبه ، فجاة ابتعد ولما اتطلعت عليه طلع مش زوجي ...يمااا متت من الاحراج 🫢 رحت زي المجنونة ادور زوجي لقيته ،برى المحل يدخن سيكارة ههههه ، قلتله عن الموقف اتبسم وقال ياهبلة ، قلتلك اني طالع بس يمكن مع ضغط الناس ماسمعتي ..عموما كوني مصحصحة ثاني مرة هههه 🙈"

"سمعت شب بحكي في موقف صار معاه كان الزلمة ماشي بالشارع وفي ايده التلفون وعين الله عليه جاي ع باله مرته تعمله بيتزا ورايح ع السوبر ماركت يشتريلها جبنة ضل الاخ ماشي وهو مسطل دخل على محل رد السلام بكل ثقة وصوت عالي وسال شو احسن نوع جبنة عندكو للبيتزا ضحكوا كل الي في المحل عليه حكاله صاحب المحل اذا بدك بنطلبلك جبنة دليفري وهون بنعملك تسريحة الموتزريلا هههههههه كاين داخل على صالون حلاقة الاخ"

"مرة كنت ماشية بالسوبر ماركت اخذت عربة التسوق ومشيت اختار بعض الاغراض وانا ماني مركزة مرة عصير ومرة بسكوت وغيره وكان دماغي شغال في امور ثانية لاحظت شخص ماشي معي ومركز فيا وبالاغراض الي بشتريها قلت يمكن مشبه عليا لحد لما وصلت رف الجبنة اطلع فيا وحكالي شو رايك ما ضل غير اختارلك الجبنة لانه ما ضل مجال في عربيتي اطلعت على العربة الي بايدي وكانت للشخص الي مركز معي من عشر دقائق وكل الاغراض الي اخترتها في عربة هاد الشخص"

"الصراحة موقف اليوم محرج جدااا . كنت نازل على السوبر ماركت( محل خضار) اشتري اغراض , وبعد ما خلصت صار موقف مضحك بيني وبين صاحب محل الخضار ، المهم وانا طالع كنت لسة بضحك وحسب علمي اني راكن السيارة قريب من محل الخضار وهي من نوع فيات سودا ، دخلت السيارة وبلشت احكي مع زوجتي الى المفروض انها في السيارة بتستنا وبعد لحظات من بداية الكلام التفت وهو كانت الصاعقة المرة الي كانت في السيارة مش زوجتي هههههه ولا اساسا السيارة سيارتي طلعت ملخبط في السيارة ورغم انو نوع السيارة يختلف بس نفس اللون وسيارتي لسة على بعد امتار منها بصراحة وقعت في احراج شديد واتاسف للمرى الي اساسا ما استوعبت شي وضليت طاير على السيارة بعد ما اطلعت واتاكدت انها سيارتي والي فيها مرتي ههههههه"

"الي صار معي ، كنت مرهق ومروح من يوم عمل شاق، لما وصلت البيت ميت تعب ، قلت ارتاح شوي لقيت ولاد اختي بيلعبوا في البيت ، من كثر الاصوات صحيت واول شي شفته كاسة مي كانت في المطبخ حملتها وكسرتها ،والمشكلة تزامنت مع دخول اختي ...عرفت انو بسبب اولادها بس الصراحة انحرجت كثير منها ،ماكان لازم هالتصرف خصوصا انهم قليل ما يزورونا .."

"الصراحة ضربت ابن اخوي الصغير كف على وجهه مع انه ما عمل شي بس صار يبكي في الشارع لاني ما اخذته معي بس رجعت صلحت الموقف بعدها وراضيته لاني شعرت بالندم وهذا الموقف اثر فيا كثير رغم بساطته"

"الصراحة هالقصة فعلا حصلت معي ، يوم كنا بزيارة للاردن وطلعنا على العقبة ، كنا مجموعة شباب استاجرنا غرفة في اوتيل ، وقلنا ننزل البحر ،و فعلا بس الي حصل اني احتجت ارجع الغرفة لقضاء حاجتي ،وكنت ماحفظت شكل الفندق وتشابهت الامور عليا ، والي صعب الموقف اني وصلت لمرحلة صعب فيها ارجع البحر ههههههه والله ياجماعة هذا الي حصل ، بس ربنا هداني ولقيت الفندق والغرفة بس هذا من اصعب المواقف الي واجهتني لاني وصلته وكان شبه متاخر هههه لانو كان المغص شد عليا والي صار صار ايييه تنذكر وما تنعاد ، كان هذا الشي من اكثر من 7 سنوات من اليوم"

"سؤال لكل زوجة ، لو عاد بك الزمن للوراء هل تختارين نفس عدد اولادك وبناتك ، ؟ وهل كنت ستختارين زوجك الحالي ؟ وهل تتمنى حياة ابناءك وبناتك كحياتك انت ؟ انا عن نفسي ساختار زوجي والاولاد اكثر ب2 ، واتمنى لاولادي ان يكونوا مثل زوجي ، ولبناتي اقبل ايضا مثل زوجي ماذا عنك يا من قرأتي المنشور ؟؟؟"

"واجهت موقف محرج جدااا مثل موقفك بس انا كنت شغال بدولة الامارات وكنت مساعد طباق الي بتحوله بليط وفي يوم غاب عن الورشة وكان العمل تطبيق درج يوصل لسطح العمارة ، اتحمست وقلت انا اشتغله وفعلا طبقت حوالي ٧ درجات ولاني ما بعرف كيف بيوخذوا القياس كل درجة اطبقها تنحرف للخارج شوية سنتمتر ،ولما رجع المعلم ثاني يوم انجن وخلع كل الشغل ولولى انه ابن حلال كان طردني ههههه يا الله الاحراج الي صار معي يومها ، بس مع الوقت اتعلمت بس هذا كان احرج موقف واجهني من ورى فلسفتي 🤣🤭"

"الصراحة كان موقف محرج جدا ويوم من أطول ايام حياتي ، كنت بشتغل بليط ولسة اول يوم شغل الي بشتغله بدون مايكون معي المعلم اول شغلة كانت تبليط مدخل بناية وكان واقف فوق راسي صاحب البناية ومهندس صابني ارباك شديد وانا لسة بسحب بخيط التأسيس بتذكر يوم كامل لعرفت احط ٤ بلاطات مقاس ٦٠*١٢٠ وانكسر معي يومها بلاطتين من تعاسة الموقف ههههه ،بس ربنا سهل ومشت الامور ثاني يوم . كنت بتوقع كلمة الله معك من صاحب المنزل خصوصا لما كان المهندس يتطلع عليا ويهمس اله ، هذا من اصعب الايام الي مرت عليا في بدايات الشغل واكثر موقف كان محرج جداا إلي..حدا واجه موقف مشابه؟"

"مرة وانا نازل عل شام لعند نسايبي وانا مشخص ولابس احلى تياب عندي ومتعطر من افخم العطور قعدت بالصالون ورافع اجر على اجر وجابت خطيبتي كاسة عصير برتقال مثلجة مسكت الكاسة بثقة مش طبيعية بدي اشرب ولسا بدي ارشف اول رشفة مع الثقة الزايدة ما حطيت الكاسة بثمي ... لقيتها على صدري وبنطلوني الصالون كلو سكت والكل بحلق فيا وانا صرت انقط عصير . عشان اطلع حالي من المئزق خربتها وقلت اتشربه بمساماتي اسرع !! انفجروا ضحك علي وطلعت بالخزوة"

"تخيل لو كنت في حفلة قريب واخر الحفلة والناس تودع في بعضها رح مديت ايدك تسلم على زوجت عمك الكبيرة في السن ومديت ايدك وما سلمت وقالتلك اسف ما بسلم على رجال ، اكيد الكسفة رح تكون كبيرة خصوصا في جمع كبير شو موقفك ؟ فكر فيها"