اعترافات ومواقف العائلة والبيت

"تتسرب السنوات من بين أيدينا دون أن نشعر؛ كنت في الثامنة عشرة حين بدأت رحلتي معك، صبية تُقبل على الحياة بشغف، واليوم أنا أمٌّ لطفلتين أحمل في قلبي ثقل جبالٍ من الصبر والانتظار. في مثل هذه الليلة، قبل أربع سنوات، كان لقاؤنا الأول... لم أكن أعلم حينها أن هدوء تلك الليلة وسعادتها سيتحولان يوماً إلى حنينٍ موجع وصمودٍ بوجه الأيام. خمسة أشهر كاملة مرت على غيابك خلف القضبان، 155 يوماً من الظلم، والكيد، والحسد الذي حاول أن يطفئ نور بيتنا. لكنهم يجهلون أن العدل لا يسقط بالافتراء، وأن من اعتمد على الله لا يضيع. كيف تكون النهاية؟ نهايتها جَبْرٌ عظِيم نستحقه بعد كل قطرة دمع، وكل لحظة خوف، وكل ليلة ضممتُ فيها طفلتين تسألان عنك بالصمت والعيون. إن وعد الله حق، وهو القائل: {وَبَشِّرِ الصَّابِرِينَ}؛ سيمرّ هذا المُر، وسيُفرَج الهم، وسيردّك الله إلينا رداً جميلاً، لنكتب بداية جديدة تحت سقف واحد، أشدّ قوة وأعظم أثراً."

"امي كل ما تشوفني بدي انام بتبلش تحقق احلام «قومي! نامي بكير عشان تصحي بكير.» وبعد ساعة: «قومي جيبيلي مي.» وبعدها: «وين الريموت؟» وبالآخر: «إنتِ طول اليوم نايمة!»"

"احب في هذا المنبر الحر ان اعبر عن ما بداخلي ، انا ام متزوجة من سنتين والله رزقني بطفل ، زوجي انسان متحرم جدا ويحبني جدا ، ولكن وضعه المادي ضعيف ، حيث انه يعمل استاذ حكومي ، وليلا يحرس عمارة ، والاغرب في القصة كلها ان ما يجنيه من الحراسه تاخذه امه كاملا ، انا لم اتدخل ولكن الغريب انها ليست بحاجة ، فهي ورثت عن والد زوجي رحمه الله 3 محلات تجارية في ارقى المناطق ، ولا اعرف لماذا تصر على ان تاخذ من زوجي رغم عدم حاجتها لم اصارح زوجي بهذه المشكلة لليوم لاني لا اريد ان اخسره او يخسر امه بسببي ولكن ما الحل المنطقي لموقف صعب كهذا ؟؟؟؟"

"ياجماعة الله بلاني بعيلة ، ما بتتذكرنا غير لما يكون في مشكلة ودفع مصاري . يعني لو الدفع في عمل خير بنقول معلش ، بس انا شو ذنبي الي مش مربي ابنه وبيعمل مشاكل ندفع وراه ، للامانة شي مقرف ، معقول بس عيلتي هيك ولا كل عيل الوطن العربي ؟"

"أكثر موقف محرج صار معي قدام عيلتي مرة كنت قاعد مع أهلي في الصالون، وكان في قرايب إلنا جايين زيارة. وأنا كنت داخل المطبخ أجيب شغلة، سمعت أمي بتحكي: "والله هو من زمان وهيك، ما بيتغير." قلت بيني وبين حالي: أكيد بحكوا عني. رجعت وقفت عند باب المطبخ وصرت أسمع بدون ما أحسوا. أمي كملت: "حتى الأسبوع الماضي عمل نفس الحركة، وما حدا قدر يقنعه." هون اقتنعت مليون بالمية إنهم بحكوا عني. رجعت على الصالون وقلت وأنا متضايق: "إذا في شي عني احكوه بوجهي، مش من وراي." الكل سكت. أمي طلعت فيي باستغراب وقالت: "عن شو بتحكي؟" قلت: "عن إني ما بتغير وإنكم مش قادرين تقنعوني!" ثانيتين صمت… وبعدين انفجروا كلهم ضحك. طلعوا أصلًا كانوا بحكوا عن ابن عمي، لأنه اشترى سيارة جديدة وما حدا قدر يقنعه يبيعها رغم المشاكل اللي فيها. أنا من الإحراج تمنيت الأرض تنشق وتبلعني."