جودة ابو خميس

"كان موقف في لحظتها غضب بس بعد ماروحت صار موقف مضحك حقيقة القصة الي صارت معي اني بيوم من الايام كنت مروح من الشغل ، وكان الجو حار جداا، بعد ما مشيت وقطعت مسافة السيارة توقفت عن الحركة فجاة ، حاولت اشغلها اكثر من مرة ولكن على الفاضية .قلت افتح صندوق الماتور اشوف شو القصة ، المهم الصندوق الو كبسة عند الشوفير كبستها ونزلت احاول افتح الصندوق على الفاضي ،ارجع للكبسة اكبسها، اروح للصندوق مايفتح 😵‍💫😫 فقد صوابي من كثر المحاولات ...بس بلحظة اتذكرت شغلة 🫢انو الصندوق الخلفي برضو الو كبسة ومع انها جنب كرسي السائق الا اني مع الطفر والحر لخبطت فيهم 🥹 واتذكرت متاخر اني كاين افتح الصندوق الخلفي 😅 هالقصة الي صارت معي كانت لحظتها عصيبة بس بعد ماروحت وكانت مشكلة السيارة بسيطة صرت في كل جلسة اضحك الناس عليا 🤣🤣"

"هذا الموقف ذكرني بموقف صار معي زمان. في يوم من الايام كان اخوي بده يشتري سيارة فطلب مني ومن اخوتي انو نرافقه نشوفها ونعطي راينا فيها . طبعا مشينا معاه والموقف الطريف الاول انه كانت السيارة اقدم عمرا من جدي والمضحك اكثر كانت عبارة عن ملهى ليلي وقاعة افراح للقطط😅. نرجع لقصتنا ، بعد تفحصها وعدم تشجيعنا الو يشتريها ..فجاة قلنا اتخبووا اتخبواا قلناله خير شو في ..قال هذا الشخص انا بشتغل معاه وما بدي يشوفني هون ..طبعا اتخبينا علما انو لو مرينا جنبه ما بيعرفنا اساسا بس الصدمة😶انو هو يلي نادى عليها ههههه وراح سلم عليه ونادانا نشوفه ..طيب ليش عمل هيك ..الله اعلم ،😑🫡"

"الصراحة موقف اليوم محرج جدااا . كنت نازل على السوبر ماركت( محل خضار) اشتري اغراض , وبعد ما خلصت صار موقف مضحك بيني وبين صاحب محل الخضار ، المهم وانا طالع كنت لسة بضحك وحسب علمي اني راكن السيارة قريب من محل الخضار وهي من نوع فيات سودا ، دخلت السيارة وبلشت احكي مع زوجتي الى المفروض انها في السيارة بتستنا وبعد لحظات من بداية الكلام التفت وهو كانت الصاعقة المرة الي كانت في السيارة مش زوجتي هههههه ولا اساسا السيارة سيارتي طلعت ملخبط في السيارة ورغم انو نوع السيارة يختلف بس نفس اللون وسيارتي لسة على بعد امتار منها بصراحة وقعت في احراج شديد واتاسف للمرى الي اساسا ما استوعبت شي وضليت طاير على السيارة بعد ما اطلعت واتاكدت انها سيارتي والي فيها مرتي ههههههه"

"بصراحة موقفك رجعني لمواقف الطفوله ههههههه صحيح مش متشابه الموقف بس اتذكرت ومشى الحال الي صار معي كنت صغير وكنت ماشي مع اخوي نازلين نلعب على الحارة ، ما بعرف كيف اخوي وقف وما انتبهت بس انا ضليت ماشي مع شخص ثاني ، والغريب اني كنت احكي معاه مش بس ناديت عليه ، وهو ماشي معي ومسلك الوضع هههه بس لما صرت اسال وما يرد استعملت علقي وفكرت اني اطلع عليه ، بس اكتشفت انو مش اخوي ، شخص غريب وبيضحك على المقلب الي صار فيا ، وانا بلا وعي رجعت ركض لحد ما لقيت اخوي والكارثة كان واقف مع صاحبه ، وناسي اني معاه . متذكر عملتله عرس طويل وعريض ههههه الله على ايام زمان والمواقف الحلوة"

"ياجماعة النوم بيجيني كل وقت الا وقت النوم بغيب وما بعرف وين بروح هههههههههه حدا مثلي ولا وحدي هيك"

"الموقف بصراحة من اغرب المواقف الي حصلت معي والقصة الغريبة باختصار كنت بستنى اخوي في السيارة بدي اروح البقالة واثناء الانتظار سهيت للحظة وفي هذه اللحظة شفت نفسي مشيت بالسيارة وتوقفت عند البقالة اشتري خبز وما لقيت، رحت البقالة الثانية الي مابتبعد عنها يادوب ٥٠م ، وشفت ابن عمي طالع من البقالة واشرلي بايده رد السلام ، هو فقت انا والي شفته صار معي بالحرف الواحد ، حتى ابن عمي بنفس الهيئة والمكان الي شفته فيه ..مابعرف هي صدفة ولا شو بالضبط الي صار ، لو حدا عنده تفسير منطقي او واجهه قصة حقيقية قريبة ياريت يخبرنا"

"طلعت على الدوام مواصلات طبعا دفعت للميكروباص بس لما خلص الدوام طلعت المحفظة والمصاري الي معي ما بتكفي للميكروباص وعزت نفسي اطلع من زملائي او ما ادفع كامل الاجرة واضطريت اروح مشي حوال 8 كيلو وكان هذا الحكي بشهر 8 والشمس غلت دماغي غلي ،،،يوم ما بنساه هذا الي صار معي يا ترى في حدا صار معاه #حظ_سئ اكثر من هيك"

"هالموقف الغريب الي صار معي من اغرب المواقف الي واجهتني في حياتي كان عمري تقريبا ١٧ سنة لما طلبت امي اني اروح الارض لحمايتها من لصوص الاشجار وكان وقتها موسم التين ..بعد يمكن ربع ساعة غلبني النعاس فقلت انام شوي تحت التينة وكانت شجرة عملاقة ، مايعرف كم مضى من الوقت والصدمة حسيت نفسي مربط وكان حولي صوت طبول وكانه في اشخاص ربطوني وبيرقصوا حولي ومعهم طبل ..حاولت انهض ماقدرت وبعد محاولات عديدة قدرت افتح عيوني وقمت مفزوع من هول الموقف، بس الغريب مالقيت حدا حولي ولا عرفت شو يلي صار للأمانة هذي القصة صارت معي وما عرفت تفسيرها… ناس بيقولوا جاثوم وناس بيقولوا غير هيك. حدا صار معه نفس الشي؟"

"الي صار معي ممكن يصير معك⚡ قبل فترة كنت بالسيارة رايح الشغل ولما وصلت مفرق ما انتبهت لسيارة قادمة من الإتجاه الاخر . وطبعا الو حق الاولوية بس انا كنت دخلت المفرق طبعا شغل الزامور وطلع ايده من الشباك وقلي فتح عيونك ..انا ماتحملت وسبيته ونزلت من السيارة وبايدي ماسورة حديد ضربتها براسه اول مانزل من السيارة طبعا الضربة كانت قاتلة ، وعائلته حرقت دورنا وهجرت نسوانا ، وانا شردت من البلاد واهلي باعوا داري دية الزلمة وولادي تشردوا ،وانا مطلوب للعدالة ....كل هذا حصل لو اني ما مسكت حالي واستغفرت وقلتله حقك عليا وكل واحد راح في سبيله ...تدبروها وخلوها #عبرة ... والحمد لله والصلاة والسلام على رسول الله"

"يروي لنا الواقع قصةً تحمل في طياتها عبرةً بليغة حول أهمية وضوح الحقوق والوفاء بالعهود، بطلتها الفنانة المصرية #منى_ زكي ومحاسب يُدعى #محيي _الدين محمد مجاور يوسف.بدات الحكاية في يناير من عام 2023، عندما قرر المشتري شراء وحدة سكنية في منطقة المهندسين مملوكة للفنانة مقابل 5 ملايين جنيه. كانت الصفقة تبدو اعتيادية، حتى ظهرت المفاجأة؛ إذ تبين وجود رهن عقاري على الوحدة لصالح أحد البنوك كضمان لقرض تخص الشركة المالكة، بمديونية بلغت 3 ملايين و630 ألف جنيه. حاول المشتري تسوية الأمر ودياً لإنهاء إجراءات الرهن، لكن دون جدوى، فما كان منه إلا أن لجأ إلى القضاء لحماية حقه.وهنا تتجلى العبرة؛ فالقانون لا يحابي أحداً، والعهود المكتوبة التزام. ففي مايو 2025، صدر حكم قضائي يلزم الفنانة بسداد المبلغ. ومع إضافة فوائد قانونية بلغت 145 ألف جنيه، ارتفع إجمالي المستحقات إلى 3 ملايين و775 ألف جنيه.ورغم تقديم طلبات لـ وقف تنفيذ الحكم، إلا أن قطار العدالة لم يتوقف، لتدخل الأزمة مرحلة جديدة من التنفيذ الجبري. وفي أغسطس المنصرم، تحرك وكيل المشتري لمخاطبة البنوك، وبدأت بالفعل خطوات للحجز على أموالها لدى 3 بنوك شملت الحسابات والودائع والسندات والخزائن المالية.وقد حدد محضر الحجز مبلغ 363 ألف جنيه باعتباره قيمة إجراء تنفيذي محدد، مؤكداً أن الحجز لا يعني الاستيلاء على كامل أموالها بل تجنيب القيمة المطلوبة فقط.العبرة المستفادة:إن لمعاملات الناس وبيوعهم أركاناً أساسها الصدق وإبراء الذمة. ومهما بلغت شهرة الإنسان أو نجوميته، تظل أمور الدنيا محكومة بميزان العدل"