اعترافات وقصص حظ سيء وأيام سودا

"الصراحة الموقف الي صار في يوم من الايام كنت ماشي في الحارة ، كان اعزكم الله كلب محاصر قطة صغيرة ، فقلت لازم انقذها اقتربت من الكلب وباللحظة الي شفتها مناسبة ضربت على تنكة حديد حجر ، اطلعت صوت وفعلا خاف الكلب وهرب بس للاسف كمان خافت القطة وهربت لجهه الشارع ولسوء الحظ ، بلحظة مرور سيارة ، دعستها 😔 يمكن لو خليتها للكلب كان قدرت تحرر نفسها ..بس هذا الي صار"

"اليوم سويت لجوزي ازكي طبخه عدس بس طلقني ابن الكلب💔"

"طلعت على الدوام مواصلات طبعا دفعت للميكروباص بس لما خلص الدوام طلعت المحفظة والمصاري الي معي ما بتكفي للميكروباص وعزت نفسي اطلع من زملائي او ما ادفع كامل الاجرة واضطريت اروح مشي حوال 8 كيلو وكان هذا الحكي بشهر 8 والشمس غلت دماغي غلي ،،،يوم ما بنساه هذا الي صار معي يا ترى في حدا صار معاه #حظ_سئ اكثر من هيك"

"صارلي اكثر من 10 سنوات بفكر اعمل مشروع وكل ما اوصل لفكرة اتعثر بسبب المادة والمشكلة بعد فترة قصيرة غيري بنفذ الفكرة وبتنجح معها صار معي هالشي اكثر من مرة بس في الاخر بقول قدر الله وما شاء فعل لعله خير #صار_معي"