"يا جماعة، أنا شخص كنت مرتبط بصبية من حوالي تلات سنين، وفي الآخر محصلش نصيب وكل واحد راح لحال سبيله. أنا خطبت وسبت، وهي كمان انخطبت وسبت.
بس فيه حاجة مش مفهومة بحصلت… كل ما أجي على بالها وتفتكرني، أكون أنا ببعتلها رسالة! ومش مرة ولا مرتين… ده كتير أوي بيحصل كده، والعكس كمان: كل ما تخطر على بالي وأتفتكرها فجأة، ألاقي رسالة منها! وحصلت كتير جداً.
والموضوع مش رسائل وبس… ده حتى في الأماكن! كل ما أكون في مكان وأقول لنفسي أنا هشوفها، بجد بشوفها… وهي نفس الحكاية. ده مع العلم هي عايشة في مدينة وأنا في مدينة تانية. مرة حتى كنت في العمرة وقلت أنا هشوفها هناك… وبالفعل شفتها!
وحتى في الأحلام! شفتها في المنام، ولما تكلمنا طلع هي كمان شايفتني في نفس التوقيت! والغريب كمان إننا إحنا الاتنين لما خطبنا بعد ما سبنا بعض، ما قدرناش نكمل مع أي حد تاني… كل واحد منا فسخ خطوبته لأنه مكنش قادر يتقبل الشخص التاني في حياته بعد العلاقة اللي كانت بينا، حتى أسباب فسخ الخطوبة هي هي!
وفي حاجة تانية كمان، إننا إحنا الاتنين من نفس الجيل، وحتى بنفس سنة الميلاد، وبنفس الشهر واليوم، وقريب كمان من نفس الساعة.
والله يا جماعة الموضوع بيتكرر بشكل مش طبيعي، كتير أوي ومش شوية خالص، وحاسس إن الموضوع ده مش صدفة.
وبصراحة أنا حاسس إن البنت دي هي قدري.
وأنا شخص بؤمن إن مفيش حاجة في الدنيا دي بتيجي صدفة، كل حاجة مكتوبة من رب العالمين.
أنا عايز تفسير للي بيحصل ده… حد حصل معاه كده قبل كده؟"